Më 27.04.2016, delegacioni i Ministrisë së Infrastrukturës, i kryesuar nga Burim Krasniqi, drejtor i Departamentit Tokësor, ka nënshkruar protokollin teknik në fushën e transportit me delegacionin e Ministrisë së Transporteve dhe Infrastrukturës të Republikës së Shqipërisë.

Protokolli në fjalë është nënshkruar në bazë të nenit 17 të marrëveshjes bilaterale, të nënshkruar midiss dy ministrave më 22.07.2011, me të cilin është arritur pajtimi që të ketë lehtësira në transportin e rregullt dhe sezonal të udhëtarëve në mes të dy vendeve, si dhe për operatorët e transportit të mallrave.

Me këtë protokoll, të dy palët janë dakorduar që të kenë bashkërendim të veprimeve në pjesën e kontrollit të transportit, sidomos të atij të udhëtarëve në sezonin veror.