Në patronatin e Ministrisë së Transporti dhe Postë-Telekomunikacionit, sot u mbajt takimi në mes të përfaqësuesëve të konzorciumit 'Bechtel & Enka ' dhe shoqatës së ndërtmit të rrugëve, përkatësisht kompanive të cilat merren me ndërtimin e rrugëve si dhe kompanive tjera të cilat merren me veprimtari të ndryshme.

 

 Ministri Limaj me këtë rast tha se me rastin e nënshkrimit të kontratës në mes të Qeverisë së Kosovës, dhe kompanisë, 'Bechtel& Enka' është paraparë përfshirja sa më e madhe e kompanive të vendit tonë dhe biznesit kosovar në realizimin e këtij projekti madhor- autostradës Vërmicë-Merdar, duke filluar nga kompanitë për ndërtimin e rrugëve deri tek kompanitë që kryejnë veprimtari tjera . 

 

' Punimet e ndërtimit të autostradës, janë shndërruar në një kantier të madh ndërtimit, në gjithë vendin tonë. Me realizimin e këtij projekti po bëhen lëvizje të fuqishme brenda shtetit tone, duke e shtuar vëllimin e punëve dhe rritjen e vendeve të reja të punës' tha ministri Limaj.

 

Prezenca e juaj është dëshmia më e mirë e rritjës ekonomike, andaj duhet të të shiqojmë të maksimalisht ta shfrytëzojmë mundësinë që e kemi ne për të bashkëpunuar me konzorciumin 'Bechtel & Enka ' jo vetëm për të punuar por edhe për të fituar experiencë, pohoi Limaj dhe shtoi se tani kemi një mundësi të jashtëzakonshme për të përfituar nga kjo kompani me renome botërore.

 

Sipas ministrit Limaj, kompanitë tona për herë të parë e kanë këtë mundësinë të shofin se si zhvillohet, organizohet dhe punohet në vendin tyre, dikur kjo ishte ëndërr, dhe sot u bë realitet, që Kosova të ndërtohet nga kompanitë e fuqishme.

 

' Këto invetime kapitale që po bëhen në Kosovë, janë dëshmia më e mirë se kah po shkojmë dhe sa jemi të përkushtuar për ndërtimin e dhe zhvillimin e vendit tonë. Investimet të cilat janë duke u bërë tregojnë se vendi ynë ka klimë ka kushte dhe për tju ofruar investitorëve të huaj mundësi për të investuar duke e pasur parasysh edhe interesin e biznesit të vendit tone' potencoi Limaj.

 

Ndërkaq, drejtori i kompanisë 'Bechtel & Enka",  Daren  Mort, theksoi se projekti I ndërtimit të autostradës do të përfundojë sipas kontratës si dhe i ftoi kompanitë vendore të përfshihen në këtë projekt, por kërkoi që të paraqesin standarde të larta.

Në emër të Aleancë Kosovare të Biznesit, foli Mixhatit Reçi, I cili tha se ndërtimi I autostradës do të jep një zhvillim të rëndësishëm kompanive vendore dhe dhe ekonomisë së vendit tonë.

Kryetari i shoqatës së ndërtimit të rrugëve, Elejsi Surdulli, në fjalën e tij theksoi se viteve të fundit, është rritur vlera e ndërtimit të rrugëve si dhe numri I punëtorëve në këtë lëmi. Ndërsa sa i përket ndërtimit të autostradës Surdulli u shpreh se ky projekt është I mirëseardhur për kompanitë për ndërtimin e rrugëve të vendit tonë.

 

Deri tani në këtë projekt janë pranuar 10 kompani vendore, por me kontratë është paraparë që 40 për qind e punimeve të kryhen nga kompanitë vendore, u tha në këtë takim.