Po vazhdojnë punimet në projektin e zgjerimit të rrugës nacionale N9, Dollc – Gjakovë.

Aktualisht, në të gjashtë segmentet, kompanitë po realizojnë punimet e dheut (gërmime dhe mbushje), punim të strukturës së rrugës dhe vendosje të tamponëve.

Menaxherët dhe kompanitë janë përkujdesur që trafiku të zhvillohet në normalitet, duke sinjalizuar mbarë hapësirën.

Dollc – Gjakovë ka gjatësi 31 kilometra. Ajo do të bëhet me katër korsi si dhe me infrastrukturën përcjellëse sipas standardeve të parapara për këtë kategori rrugësh.