Sot, Ministri i Infrastrukturës dhe Transportit, Dimal Basha, dhe Rektori i Universitetit të Prishtinës, Arben Hajrullahu, nënshkruan Memorandumin e Bashkëpunimit ndërmjet Ministrisë së Infrastrukturës dhe Transportit dhe Universitetit të Prishtinës.

Ky Memorandum synon forcimin e bashkëpunimit ndërmjet institucioneve publike dhe botës akademike, duke mundësuar angazhimin e studentëve, stafit akademik dhe ekspertëve të Universitetit të Prishtinës në realizimin e projekteve të Ministrisë së Infrastrukturës dhe Transportit.

Dija, përvoja dhe potenciali profesional që ofron Universiteti i Prishtinës do të kontribuojnë në avancimin e politikave dhe projekteve infrastrukturore, në funksion të interesit publik.

Ministria e Infrastrukturës dhe Transportit shpreh mirënjohjen për Rektorin Prof Dr. Arben Hajrullahu dhe Drejtoreshën e QILT-it, Arta Basha-Jakupi, për bashkëpunimin dhe angazhimin e tyre në këtë proces me rëndësi të veçantë.

Kliko VIDEO