16 nëntor 2015

Ministri i Infrastrukturës z.Lutfi Zharku priti sot në një takim ambasadorin e Austrisë  në Kosovë z. Gernot Pfandler.Ambasadori Pfandler e përgëzoi Ministrin Zharku për progresin në projektet e infrastrukturës rrugore vitet e fundit si dhe tregoi vullnetin e tij për kontribut nga shteti austriak për pjesëmarrje të cfarëdo forme në projektet  e Ministrisë së Infrastrukturës  si ato te Infrastrukturës rrugore apo hekurudhore.

Ministri Zharku informoi ambasadorin detajisht me progresin në projektet infrastrukturore si ato rrugore dhe hekurudhore e në veçanti për autostraden Prishtinë - Hani i Elezit, rrugët Prishtinë – Peje dhe Prishtinë – Mitrovicë, rehabilitimin e linjës hekurudhore Hani i Elezit – Leshak. Ministri ftoi ambasadorin të njoftoj kompanitë austriake së janë të mirëpritur të marrin pjesë në të gjithë tenderët publik të të gjitha projekteve të Ministrisë së Infrastrukturës.