Ministri i Infrastrukturës Lutfi Zharku priti në një takim sekretarin e parë dhe zëvendës shefin e misionit të ambasadës izraelite në Beograd,Itay Milner.

Në këtë takim ministri Zharku njoftoi sekretarin e parë z.Milner me projektet madhore infrastrukturore të cilat po i realizon Ministria e Infrastrukturës në funksion të zhvillimit ekonomik dhe modernizimit infrastrukturor të vendit tonë.

Z.Milner  falenderoi Ministrin Zharku për pritjen dhe çmoi punën që po bën Ministria e Infrastrukturës në realizimin e projekteve të saj infrastrukturore, si dhe shprehu gatishmërinë e thellimit të bashkëpunimit mes të dyja shteteve.