Prishtinë , 24 shkurt 2015

Sot, me ftesë të Komisonit funksional për Zhvillim Ekonomik, Infrastrukturë, Tregti dhe Industri, z.Lutfi Zharku – Ministër i Infrastrukturës raportoi para këtij komisioni “Strategjinë e zhvillimit të Rrugëve Nacionale dhe Regjionale”.

Gjatë këtij takimi ministri Zharku njoftoi në mënyrë të detajuar këtë komision me objektivat e ministrisë dhe zhvillimet aktuale në lëminë e infrastrukturës rrugore, si dhe projektet strategjike të cilat Ministria e Infastrukturës do të jetë e përkushtuar t’i arrijë.

Përpos kësaj, ministri i njoftoi anëtarët e komisionit  edhe për çështje tjera nga fusha e kompetencave të ministrisë sipas interesimit të tyre.