Ministri i Infrastrukturës dhe Transportit, Dimal Basha, njoftoi se, ende pa u bërë dy muaj nga hapja e bazës së parë të Wizz Air në Aeroportin Ndërkombëtar të Prishtinës “Adem Jashari”, kompania ka hapur edhe bazën e dytë në aeroportin tonë.

Me zgjerimin e operimeve, nga Prishtina shtohen pesë linja të reja drejt:

• Frankfurtit
• Berlinit
• Hamburgut
• Malmö-s
• Triestes

Këto linja krijojnë më shumë mundësi udhëtimi për qytetarët dhe kontribuojnë në zhvillimin e turizmit, biznesit dhe ekonomisë së vendit.

Ministria e Infrastrukturës dhe Transportit do të vazhdojë bashkëpunimin me të gjithë akterët relevantë, me synimin që Kosova të jetë edhe më e lidhur me Evropën dhe qytetarët të kenë mundësi sa më të volitshme për fluturime.