Ministria e Infrastrukturësn është e angazhuar plotësisht për normalizim të

plotë të hapësirës ajrore të Republikës së Kosovës. Siç jeni në dijeni, tash e

disa vite jemi duke punuar me partnerët tanë në NATO për hapjen e hapësirës

së lartë ajrore të Kosovës për mbikalime. Me delegim nga Këshilli i NATO-s,

HungaroControl-i i Hungarisë do të fillojë ofrimin e përkohshëm të shërbimeve në

hapësirën tonë të lartë ajrore nga 3 prilli i këtij viti. Paralelisht me këtë projekt

ne do të përgaditim edhe stafin e nevojshëm profesional të agjencisë sonë të

shërbimeve të navigacionit ajror në mënyrë që pas përfundimit të periudhës

kalimtare, ajo t'i marrë të gjitha përgjegjësitë edhe në hapësirën e lartë, siç i

ka në hapësirën e ulët ajrore. Ndërkohësisht është duke u përgaditur edhe një

aranzhim ( kontratë) mes Hungaro-controllit dhe Agjencisë ton për navigim për

ofrimin e disa shërbimeve që do t’ paguhen Agjencisë.

Gjatë këtij muaji do të fillojmë bisedimet me NATO-n ëdhe për normalizimin e

plotë të hapësirës së ulët ajrore,dhe presim që hapësira e ulët ajrore do të lirohet

në korrik të këtij viti që do të na mundësojë hapjen e korridoreve të reja për

aterrime dhe ngritje nga Prishtina (p.sh. me Shqipërinë dhe Mali ne Zi). Tash për

tash, fluturimet zhvillohen vetëm permes korridoreve që e lidhin Republikën

e Kosovës me Maqedoninë. Këto korridore të reja do ta shkurtojnë kohën e

fluturimit për rreth 20 minuta, do ta ulin koston e operimit të kompanive dhe

rrjedhimisht, Aeroporti i Prishtinës do të bëhet më konkurrent në tregun rajonal.

Sipas logjikës së tregut, kjo do të duhej të reflektohej edhe në uljen e çmimeve të

biletave. Normalizimi i hapësirës së ulët ajrore pritet të sjellë aktivitete të shtuara

për agjencinë tonë dhe rritje të ndjeshme të fluturimeve në këtë hapësirë. Kështu

me lirimin e hapësirës së ulët ajrore do të ketë edhe fluturime mbikaliim (

transit) mbi hapësirën e Kosovës dhe llogarritet që në pikun gjatë ditës do të ketë

mbi 500 fluturime çka do të ketë edhe të hyra financiare.